ARROSA KOLOREZ JANTZITA

Arrosa argia; 

marrubi izozkia,

arrosa bizia;

izeko Teren farre handia,

arrosa tonu bat;

ilunabarran,

txerrikumeak...

arrosak hirurak

Aurora printzesaren soinekoa modura!

Gustoko kolorea dut arrosa.

arrosa eta horia

zorakeria

arrosa eta baltza

maltzurkeria

arrosa eta zuri

neska fina dirudi

sandia arrosa eta txokolatea

tripa betetzeko aukera ezin hobea!

baina...
arrosa neskena  dela
diote gelako mutil ergelak...

Iñakiri
 nere zapatatxo arrosak uzten dizkiot askotan,
badakit oso gustoko dituela;
eta ni pozik noa
 bere bota puzkak ipinita!!

grixa koloreztatzen

http://pinterest.com/ume2010/larrosa-kolorez-jantzita/

SAN JUAN SUA

San Juan San Juan,
artoak eta gariak gorde,
sapoak eta sugeak erre!!

Gau polita gaurkoa,
motzena dela diote 
baita egunik luzeena,
nik ondo badakit;
priiiiiiimeran pasa dudala,
eta ke usaina gainean daramadala!!!

Hasi dira festak
 nire ingurunean!!!
Ondo pasatzeko aukera
 Euskal Herriko txoko guztietan!!

ESKERRIK ASKO ANDEREÑO!

Zure pazientziagaitik,

batzuetan otso izan  arren,

bestetan gozo-gozo zaudelako,

triste banago

arduratzen zarelako,

urduri nagoenean 

lasaitzen nauzulako,

baita mokoak kentzen dizkidazulako!

Ikastea gustoko izatea lortu duzulako,

egunero eskolara pozez noalako,

eta ile luuuuuuzea duzulako:

ESKERRIK ASKO!!

 

 Andereño eta begiralei,

maixu eta bedelei,

garbitzaile eta zuzendariari:

milaka esker denori!!

AUTOBUSEROAK EUSKARAZ BADAKI

Askotan noa Bilbora autobusean,

txartela pasa,

eta txintxo iseritzen naiz leihotik begira.

Gustokoa dut autobuseko joan etorria,

beti dago ezagunen bat berba egiteko prest.

Orain gutxi,
 gauza arraro bat gertatu zitzaidan;

autobus batean,

herritxo batetik bestera,

kostaldeko paisaia...

amaaa,

txoferrak badaki euskaraz!! 

oihukatu nuen begiak zabalik.

amatxuk farrez;

bai maitia badaki...

Nik Bilborako autobusa hartzen jarraitzen dut  askotan,

eta oraindik ez naute euskaraz agurtu be...

Mihian kili kili
 euskaraz ibili

Atzo Araba euskaraz ospatu zen Amurrion,

jai polita,

 gustokoa dut  beraien esalditxoa:

ea KILI KILI ugari egiteko gai garen!

AMAMA TXIKI BIHURTU DA

 

    Atzo bere altzoan,

kontutxo bat entzuteko irrikan,

etorri sorgin hori!!

  eta sartzen zidan dirua patrikan...

Gaur leihotik atera du burua,

atera niri hemendik! garrasika,

Amak esan dit amama txiki bihurtu dela

gaur nik laztanduko dut,

atzo berak ni bezala.

Ipuin berezi bat irakurri genuen gauean ama eta biok,
polita benetan!!

 

TXIKIAK HAUNDI

Gauza txikiak ditut gustoko;

inurri bihurriak,

gaueroko muxutxoa,

nire nebaren irriak,

baita lehengusinaren negar  malkoak..

Txikirik gabe handirik ez dagoela!

eta txikiak batzuetan handienak garela!!

Aupa eskola txikiak,

herri txikien motorra dira eta!

IRAKURRI EGUNERO!!

Hasi berria naiz idazten,

baita irakurtzen be,

kostata eta apurka-apurka;

HIZKI HANDIZ lehenik

eta hizki txikiz geroxeago,

gustora,

gauero.

Amatxorekin batzutan,

eta aitatxogaz bestetan,

nire neba ere saltsan,

gelan,

sutean,

salan,

baita kumunean!!

Irakurri egunero,

behin eta barriro!

    Hemen duzue aukera polit bat zuen gustokoak kontatzeko:

http://liburukontalariak.blogspot.com.es/