NIRE MEDIKU DOKTORE JAUNARI

Tripetako minari;

las tripas me duelen aquí.

Buruko gana txarra dala;

me duele de la kabesa palla,

ta belarrikoari;

pues dolordeorejas o así.

Gaur goizean egon gara,

amama ta ni,

anbulategian azaltzen

 gure min guztien berri.

Medikuak egunon esan

 eta agurtu bitarteraino 

erderaz aritu zaigu ...

ta gu kokoteraino.

Ba bere tramankulo hotz 
guztien artean

 berba arrotz bat baino
 ez du izan 

han gure aurrean.

Nire mediku doktore; 

  eskolan euskaraz soilik 

egiten dudalako 

edota amama inoiz 

eskolara joan ez delako...

piperrik ulertu ez zaitugula

jakin ezazu ba,
 ez zara eta jadanik
ON mediku jauna!!

 Eta zeuen letra txarraz 

harro sentitzen zareten arren,
 berbaz behintzat 

 ulertu gaitezen!

http://www.berria.eus/…/2015…/euskaraz_sendatzea_helburu.htm

AURTENGOAN..............PRINTZESARIK EZ AMA!

Zuri-zuri aurreko astea;
hotzak parau gaitu 

eta eskolan ezin aritu...

Oraintxe berriz

JAIAK datoz
parrandarako apropos,
nork dio orain 

hotzari beldur???

 Aurtengoan banabil abil;

PRINTZESArik ez amaaa

ipiniko dut arropa mordoa

eta izango naiz... 
   BENITO OTSOA!!

 

Non daude....PRINTZESAK?

Now, maintenant, ahora, orain...?? ATOAN!!!

Ordu bat minututan?

Oooooso luzea,

eguna segundutan?

Luzeagoaaaaaa.

Laburra oraina;

 heldu ezina geroa.

...

Nire aitak

 gauza bat premiazkoa badu;

ATOAN

gedar egiten du!

ITXAROTEN, ITXOITEN, ETXOTEN...

Eskolara heldu orduko

patioko txirrina

entzuteko...

ITXAROTEN.

Andereñoen galderei,

besoa altza

ta noiz honantza

begituko...

ITXAROTEN.

Txisa ia ia gainean

ta pasiloan

korrika abiatu nahian...

ITXAROTEN.

Ama jolastu nirekin!

ITXOIN;

 hitzeiten nau izekorekin.

Aitagaz berba egin nahian

ta ETXON laztana

atoan nago zugaz jada.

Urte osoan OLENTZERO

itxaroten gero,

eta aurtengoan ere;

berriro kale?

Entzun ondo,

gure bizardun potolo;

itxaroten, itxoiten eta etxoten,

kontuz arren;

... ITXAROPENA

  galduko ote den.

NI NAIZ NAIZENA

Oporretan,

Andorrako neskato bat
 ezagutu nuen,

frantses, katalan eta gazteleraz berbaz

primeran bazekien

eta euskara ikasteko irrikan zebilen.

Bere izena? Ez dakit ba...

bai ordea izaera.

Bera bera da

eta horrexegatik da bea beaxe,

bai horixe;

nire amama zaharraren malkoak

ikustezinak ziren bezelaxe.

Eta horrexegaitik ba,

ni naiz orain naizena!! 

HAUXE!!!

Antzarra? PANPINA!!

Ohitura zaharrak 

ondo daudela dio

nire aitonak,

ez ordea ohitura TXARRAK.

Beraz animaliak geurak badira...

zaindu ditzagun tira!

Etxekoak zein kanpokoak,

baita festetakoak,

Lekeitioko antzarra

panpina bada

laister zezenen adarrak

 hala!

 

¿donde está tu madre? EN LA BASURA,

Gaur lagun berri bat egin dut auzoan

kirrudun mutiko alaia bera,

txikia eta bizia, farrea bere ahoan

nire patinetearekin jolasean,

trankilo neon

eta hurbildu zait atzetik

-¿PUEDO?- Galdezka eo...

Jolastu dugu gustora biok eta

-¿donde está tu madre?- galdetu diot,

berak lasai asko erantzun ere;

EN LA BASURA,

besterik gabe.

Haundien gauza asko ez ditut gustoko

baina HAU handitan ere ez dut ulertuko.