Mediku artean ibilia naiz,
begitu naute belarritik anketaraino,
ule puntatik azazkalera.
Izan ditut alboan isilik,
txiki-txikiak; berbaezinak,
baita handiagoak;
begiekin berbaz.
Bota ditut malko pilua, oihuak..
eta askotan izan dut saman,
sekulako korapilua...
Gorroto izan ditut
erizain, mediku eta zaintzaile,
baina maitatu ditut ere,
eta askotan eskertuko diet
beraien gogortasunaren samurra
baita landutako itxaropen tinkoa.
Orain hemen nago,
kontu kontari,
aurreakoari so
baina atzekoari ezin esan aio.
Ekinean eta burrukan zaudeten guztioi,
muxu erraldoi bat zuei;
txikienak haundiak garelako,
aupa geu banan-banan
betirako!
