GUTUN BAT OLENTZERORI

Azken hilabetean

Olentzero dut ohepean,

gauza bat eskatuz gero

hori ere Olentzeroriiii!

eta eskatu dudana

zerrendatzean...

 opari bat soilik... edo biiii...

Nire Olentzero maitia

zu eta gure Mari Domingi andria

pasa zaitezte lehen bait lehen

nire etxeko atarira

zerrenda luzea dut eta

ea hartzen dudan arin 

erabakia.

Nire osaba mutilzaharrarentzat

umore on apurtxo bat beretzat,

amamarentzat 

indar kilokada bat

eta nire aita eta amari

denbora kutxatxo bat ekarri.

Urruneko lagunak etxera,

eta hurbileko guztiei

itxaropena ekarri baino,

eroan hemendik penak arinago!

 Beno eta niretzat...

zerbait ekartzekotan...

utzi etxean Doraemon

baina aurten benetazkoa,

eta konponduko naiz beragaz

 urte osokoa!!

http://www.izenaduba.com/olentzeroren-etxea.html

ETXEAN ETA KALEAN...

Euskaraz sentitzen dudalako,

negar egiten dut euskaraz...

Euskaraz pentsatzen dudalako,

berba ere euskaraz egiten banabil

eta euskaraz bizi nahi dudanez

euskaraz maitatu eta besarkatu,

euskaraz jolastu eta kantatu!!

Baina alboetara begituz gero

nahaspilatuta nabil egunero;

Amak aitari etxean euskaraz,

kalean ordea badabil erdaraz;

izekori erdaraz zuzentzen da beti,

eta osabagaz euskaraz baino ez daki.

Amonari erdaraz berriz ere,

baita amamari,

eta aitonagaz... euskaraz beragaz!!

Txikitako lagunekin bero-berotan

euskaraz kantari txokoetan,

baina lanekoekin...

jotake erderaz ekin.

Aitatxok eta amatxok
 euskaraz badakite

baina batzuetan
 ulertzen ez direla dirudite...

Beno,

hau edo bestea,

dena dena;

oheratzerakoan; ondoloin...

eta EUSKARAZ EKIN!!!

MIKELEK ERE AMANTALA NAHI DU!!

Ba zen ordua amatxoooo...

Mikel triste zegoen 

txoko guztietan,

orain badu aukera

amantal kolore mordoetan.

Ipiniko du txingurriena 

astelehen guztietan

eta aste bukaerarako

oparituko diot nik 

marigorringoarena!!!

Heldu dira dagoeneko

 mutilen amantal errepikapenak

erosteko!!

Amets eta Eneko,

baita Paul eta Danel,

amantalak guztiontzako!!

http://www.ume2010.es/eu/component/virtuemart/umeentzako-amantalak.html

ZAKARRAK ZAKARONTZIRA!!

Zabor, zarama eta zakar,

hondakin, hondar eta kakak...

Txikitatik erakutsi naute

hauekin potea bete

eta hurbil bat ezbalego

patriketan gorde.

Askotan amatxori emon

eta honek azkar azaldu be,

nire  xobrak nireak direla eta

hoien ardura ere.

Azken aldian badabiltza

telebistan jotake,

zaborrak kontenedoran

edo atez-ate jasotzea hobe...

Hau nire ardura ez izan arren

gauza bat ondo legoke:

BERZIKLATZEA behar bat dela

eta zabortegiak gutxitzea ere!!

 
 

KALABAZA BAT EDO BI... EUSKARAZ BIZI

Eguenean

 sorgin bat izan genuen gelan,

zelango ikaraaaaaa!!

Ander garrasika

 eta galdua gure iladaaaaaa!!!

Ingelerako andereño

 algaraka ,

txapela kendu

eta  Halloween dela deiadarka,

Amerikarren festa dela

 diote batzuk,

baina bera Irlandarra dela eta,

harro-harro kontatu digu

festa beraiena dela.

Nik nere amama zaharrari

entzuna diot aspaldi;

bera txikitan,

udazken egunetan,

kalabazak zulatuz

eta kandelaz jendea ikaratuz

ondo gustora
 pasatzen zituela orduak
  denbora batian,

bere lagun, lehengusin

  eta neba guztiegaz belardian.

http://www.ahotsak.com/albisteak/halloween-euskal-ohitura-zaharra/

murrizketarik ez... ME-SE-DEZ!!!!

Nire neba zaharra

beti kexaka dabil ikasketen kontura,

baina badirudi baduela be ardura.

Bere gela kartelez josia du

hezkuntza eta murrizketak,

hau eta hura...

Ni be 

aurreko astean 

Bilbon izan nintzen,

 PORROTX handik zebilen...

...amona Joxefina ere 

arduratuta omen dabil

eta ibili gaitezela 

eskutik emonda abil;

Aski dala!!

  kuleroak ere

 ostuko gaituztela!!!

 

TAUPADAZ BAT EGIN

Nire etxean

 mendi mapa bat dugu,

Euskal Herriko mendi pila

 ikusi ahal dira.

Tontorrak gora eta behera;

txirristaz beteriko lurra.

Baina apur bat zoratuta nabil;

lekuz-leku

 mapak aldatzen dituzte...

batzutan txikiagoa dirudi...

buztan gabeko Euskal Herria..

edota beso gabekoa...

Ni batean eta bestean

 ibilia nago 

eta ondo gustora pasata gero!!!

Bihar be danok Tuterara!!!

Buru, beso zein buztan...

BIHOTZ bakarrarekin

 taupadaz bat egin!!!

http://www.eitb.com/eu/bideoak/osoa/1319572/bideoa-nafarroa-oinez-2013-ekin-erribera-abestiaren-bideoklipa/