MANTAL PATRIKAK HUTSIK

Azken egun hauetan

sekulako musika dabil kaleetan,

kotxeak mila kolorez estaliak,

kale erditik deiadarka gaztiak,

 amama batzuk marmarka atarian...
eta paretak
kartelez josiak... 

Egizu hau eta hori

pentsatu geurea eta ekin!

Milaka agintari dabiltza

zerbait emon nahian,

eta beste zerbaiten eskian...agian...

Baina nik baditut inguruan

laupabost MANDATARI:

Mikel patioan
 baloiaren jaun ta jabe.

Irene,
 sokaren ugazaba handi,
plazako agintari,
eta Leire ta bere panpinak
auzoko erreginak.

Nik nere mantal patrikak
 hutsik ditut berriz,
baina lagunekin
 gustora egoteko
 gauza handi bat badut beti:

 NIRE ESKOLAKO PATIOAN BE
MUSIKAZ BLE

 




 

ETXEKO AGINTARIARI KOROI BAT IPINI

Zure titien artean

momenturik hoberenean

aldendu zinen bapatean...

Nire negarra lasaitzeko

txupetea gustoko nuenean

hau kumun zulotik behera.

Oheko momenturik gozoenean,

deiadarka; goraaaaa,

bainu ordua dala ta;

 bengaaaaaa,

eta uretan ponpa artean 

pozik nabilenean;

tira-tira...
kanporaaaa.

Eskolako lehen egunean

HAN utzi ninduzun

negar batean galdua,

eta jadanik patioan

kontentu nagoenean

oihukatzen nauzu egunero;

E-TXE-RAAAA!

Etxeko agintari horri,

beti izorratzen nauenari,

koroi bat ipiniko diot

eta bertan idatzi:

ASKO MAITE ZAITUT AMATXO

BAINA APURtxo BAT LASAI

 UTZIKOOOO?

BIHAR ESKOLARA GUSTORA!

Bihar gustora noa

oporretako istorioak kontatzera.

Leire, Ane eta Mikel

faltan bota ditut nik,

Ander eta Irene

ikusi ditut jadanik,

eta andereño mototsdun hori

muxukatzeko irrikan nabil...

baina konturatu orduko

galdezka nago barriro

 ea noiz ez ditugun

 udako oporrak hartuko.

ONGIETORRI DENOI!!

ONDO PASA ANDEREÑOOOOO!

Gabonetatik hona

lantalan gabiltza;

letrak eta zenbakiak,

leku guztietan,

abesteko orduan... IKASI,

marrazten gaudela...IKASI,

jolasean ere... IKASI,

Amantala kendu dudala eta

oihukatu nahi diot orain,

nire andereño bitxiari;

askatu zure moño hori

eta ondo pasatzen... IKASI!!

AMANTAL ZAHARRAK 

ZAKARRONTZIRA ...

ETA OPORREN BUELTARAKO...

EROSI BARRI-BARRIAK

UME2010ei!!

http://www.ume2010.es/eu/

ELKAR ULERTU EZ ARREN, MAITATZEN GARELAKO HEMEN

Nire eskolako Anderrek

ez du gurekin dantza egiten,

eta askotan ikusi dut,
 besoak zabalik,
txori baten moduan dantzatzen.

Ez du bez
 gurekin abesten

baina askotan ikusi dut 

patioan tipi-tapa,
doinuren bat txistuka.

Batzutan ez ditu

nere galderak erantzuten,

baina irrifarre zabal bategaz

begiratzen nau beti;
 barnerantz,
nire tripetaraino ikusten duela
ziur nago.

Agian ez nau bapez ulertzen...

 nire aita eta ama askotan modura...
hauek ere gutxitan ikusi ditut

elkarrekin dantzatzen,

gutxiagotan oraindiño

abesten...

eta kilokada maite dira
bata bestea;

nik Ander maite dudan
horrenbeste modura!!

 

https://www.youtube.com/watch?v=Ux0DEKlrjKg

AAAAAAAAAAAAATXIUUUUUUU BADATOR UDABERRIA

Asko maite dut gure herria

ez ordea eguneroko euria,

kostata kostata

baina etorri da tipi-tapa...

...Aupa udaberria

eta geratu gugaz 

epelean eta gozo

nahi duzun oro.

Sudurtxoa pikatu arren,

pozik gaude eta;

  zure babesean,

doministiku ekinetan.

AAAAATXIUUUUU!

 

UDABERRI ZOZKETA

MAITE ZAITUT AITATXO

Behin baino gehiagotan

eperdia utzi nauzu bero-berotan...

baina gero,
 zure bizarren kili-kiliak,

lasaitu dituzte nire hasperen guztiak.

Lurrera jausi naizen bakoitzean

zure beso sendoak altzatu naute ziztu bizian,

ezer  ez dela diozu beti

baina bada ezbada

lasterka etorri zara
nire albora,

izerdi-patsetan
 eta arineketan.

Eskerrik asko aitatxo,

 beti ez egon arren,

alboan zauden bakoitzean

borobil sentizen naizelako;

zure besoetan hegan.