NIRE AITITEK AMAMARI EMBREA DERITZO

Ahots goxo bat entzuten nuen

eta lurrikara baten ondoren

garrasi beldurgarria...

amatxuren pottotinatik

emagin baten eskuetara

eta gero...

 irribarre bat.

Amamaren usain gozoa

Leire zaintzailearen esku tinkoa,

izekoren abesti kiloa

eta ogidendako Mariren 

ogi beroa.

Maite andereño,

jantokiko Bego,

eta musikako Leo;

denak adeitsu eta ezti

bihotzean izango ditut beti

ziur aski.

Gizonik gabeko mundurik 

zaila legokela...

BAINA ANDRA BAKOA

EZINEZKOA.

IÑAUTERIAK

Aste guztian zehar

ibili da amatxo 

trapu zaharren artean;

grapadora eta zelo,

oihal eta kartulina,

hari eta orratz...

jotake ekinean.

Ez dakit zertan dabilen;

mozorroa eo...

baina niri, amatxo,

printzesaren mozorroa

ipini gero!!!

NIRE AITAK AMARI, GONA GORRIA EROSI

Nik

maitatzeko modu bakarra dut;

zabalean eta luzeeran,

besoak irekita,

barkatu hitza inoiz erabilita,

begirada bategaz

 maitatu ahal da,

urrunean eta hurbilean,

goizalde eta gauean,

baita ametsetan;

farre zein malkoekin

maitatzen dut nik beti.

Guztiz, bero,

edonon eta edonola.

Eta nire aita eta ama

horrela maitatzen dira;

eman eskua eta muxukatuuuu!

baita titia ikutuuuu!

eta beste modura

maitatzen hasiz gero,

lehendabizi abixatu!! 

Gaur bazpae ere,
nire aitak amari 
oparitxo bat edo bi;
denok dakigu ondo

 nor den hemen

 agintari,

muxutxo bat aitari

eta oparia beti amari!!!

 

AGATE DEUNA BEZPERA

Eztarriz ondo gabiltza

eta katarroak aldentzen,

badaramagu egun batzuk

eskolan kantatzen,

bihar Agate Deuna.

gaur patiora abesten;

...paloa lurra jotzeko dalaaa...

Markeleri abixatzen.

 Agate Deuna Bezpera,

goazen danok kantatzen!

Amamak ekarritako
opil borobilak
jan ditugu be bazpae
 bat edo pila...
ta korapilatu saman
 kordel borobila;
Bat, bi, hiru... izan osasuna!

IEUP!
 

MERKEALDITAN

Gaur goizean ohetik altxatu

eta prakak ipintzean 

nire galtzerdiak geratu dira

 agerian...

Gero kamixeta

burutik behera

eta..  ene amatxo;

manga luzeak laburtu dira

 mantso-mantso!

Joan gara biok eskutik helduta

baita ibili ere nahiko zoratuta.

Merkealditan  kilokada  gauza;

kulero eta soineko,

alkandora eta zapatak

baina gustokoen

ume2010en

amantalak OUTLETen!!!

SAN SILVESTREA GALDAKON

Gabon zaharrean
 arrapalada!!

 Lasterketik antzinakoena

hiru erregeak
  nunbait aurretik

eta Olentzero 
 jadanik atzetik;
tarteka tarteka
 bizar zuri mordo
eta atzekaldean
 oparitxo kutxa bi
ankak ta guzti!!

 Txiki eta handi,

gazte eta  heldu

baita aitite mordo

eredu!!

Galapadan batzuk

kalejiran besteak
eta falta direnak ere
beti gure artean.

Lehenak ikustezinak;
ziztu bizian koloredunak

 aurten betikolez
 hauek aurrenak.

 

http://www.sansilvestregaldakao.com/eu/inicio

ETXEAN GOZO-GOZO...

Hasi dira oporrak

baita aita ta amen ardurak,

urtero moduan

nun utziko nauten eo

aukerak  guztiak ikusten

eta hoberena erabakitzen.

Auzoan

 txiki-tailerrak daudela eta...

izebak

 festa egun bi dituela...

lagun baten amatxok

 PINera eroango gaituela...

edota nere neba zaharrak

 jagongo nauela.

Jakin aitatxo eta amatxo,

ni batera eta bestera

 pozik nabilela

baina amamaren alboan

 bero-bero

ordu mordo

pasako nituzkela

gozo-gozo!!!