murrizketarik ez... ME-SE-DEZ!!!!

Nire neba zaharra

beti kexaka dabil ikasketen kontura,

baina badirudi baduela be ardura.

Bere gela kartelez josia du

hezkuntza eta murrizketak,

hau eta hura...

Ni be 

aurreko astean 

Bilbon izan nintzen,

 PORROTX handik zebilen...

...amona Joxefina ere 

arduratuta omen dabil

eta ibili gaitezela 

eskutik emonda abil;

Aski dala!!

  kuleroak ere

 ostuko gaituztela!!!

 

TAUPADAZ BAT EGIN

Nire etxean

 mendi mapa bat dugu,

Euskal Herriko mendi pila

 ikusi ahal dira.

Tontorrak gora eta behera;

txirristaz beteriko lurra.

Baina apur bat zoratuta nabil;

lekuz-leku

 mapak aldatzen dituzte...

batzutan txikiagoa dirudi...

buztan gabeko Euskal Herria..

edota beso gabekoa...

Ni batean eta bestean

 ibilia nago 

eta ondo gustora pasata gero!!!

Bihar be danok Tuterara!!!

Buru, beso zein buztan...

BIHOTZ bakarrarekin

 taupadaz bat egin!!!

http://www.eitb.com/eu/bideoak/osoa/1319572/bideoa-nafarroa-oinez-2013-ekin-erribera-abestiaren-bideoklipa/

IRRIFARRE ARROSA

Nire izeko Tere

eta amona Mertzedes.

Leire; amaren lagun-mina

eta  Ane; Eiderren ahizpa handia.

Itxaso; auzoko neska politena

eta  Ikerne; aitatxoren lankide izana.

Batzuk joan dira dagoeneko,

eta besteak gogor dabiltza egunero

burruka bizian  irrifarreka

arrosaz jantzita deiadarka.

 Marrubizko mosu arrosak guztientzat!!!

UDAZKENA KOLORETAN

Uda bero baten ondoren

udazkenaren haize freskoa.

Negu ilun baten aurretik 

baditugu KOLORE MORDOA;

hosto berdeak horitu daitezen

 lehenik gorri eta more,

marroizka bihurtu aurretik

 badituzte milaka kolore 

eta azkenean zuri-zuri 

badirela be dirudi.

Andereñok bidali gaitu,

aitu;

 hostoak biltzera...

...noabaitera!!

eta gustora eginen dugu

aita-amak

baita nebak:
HOSTOAK PINTATU!!

OGIA ETA TXOKOLATEA

Ondo gosaldu ostean

hamaiketakoa kalean,

bi ordu pasa aurretik

bazkalordua etxean

tripak zarataka hasi

eta askaritxo bat parkean.

Iluntze aldean berriz

ondo afaldu mahai aurrean

eta oheratzerakoan

esne bero-beroa

tripetatik barrena!!

Aldikada mordotan

 mokau bat egiteko prest gaudela.. 

...eta leku batera edo bestera

 jana eroateko lekurik aproposena;

oihalezko merienda poltsa bat dela!!

http://www.ume2010.es/eu/component/virtuemart/poltsak.html

 

ESKOLA PUBLIKOA DENON ESKOLA ETA KALITATEZKOA

Maite andereñok

ezin gaitu eroan ilaran eskutik;

beso bat apurtuta dauka

eta beste eskuan
 Mikeltxo darama zintzilik...

Laguntza behar duen
 ikasle goxoena
 da bera,

Mikel,
 gure gelako mutilik onena.

Alboko gelan
 andereño Edurne ez da azaldu;

eta gure Maite dabil zoro-zoro,

begiak biribilkatuta,

hona eta hara,

galapadaka.

Argia bapatean itzali da; 

Xabi bedela 

ziztu bizian etorri zaigu;

mobila belarrian
 eta eskailera besopean

pAtAplAn!!

 Bi dira orain igeltsuagaz
 nire eskolan.

 Lau ikasle barri daude
 izkina batean.

Euskaraz tuterik
ez dute ulertzen bez,

begiak zabalik... 
lelotute...

Iñaki laguntzailea
 ez da etorri gaur hemendik...

Nire gelan 23 gara iadanik

festa askotan izan naiz
 udara honetan

eta gaurko egunean

 nire eskola barnean

erromeri bat dagoela badirudi:

Dana ipurdizgora

handik eta hemendik!! 

KIlKERRA MODURA KRI-KRI.. KRISIA

Badirudi dena dohainik dela hemendik;

ogidendakoak donetesa gratis,

tabernetan pintxotxo bat dastatzeko

 edo kakahueteak jateko.

Leku gehienetan bi erosi

 eta hirugarrena opari.

Ez dakit garbi-garbi

 baina denak kri-kri dabiltza

 kilkerra modura kantari...

Krisisa dela edo, 
karameluak banatzen dagoz
 bat baino gehio.

Eta nik behintzat,
 kakahuetez eta pintxoz
 ez dut betetzen
 nire tripa potolo!!

Baina... bide batez jakin be

 amantal baten prezioan

 hiru dituzuela ere!!

http://www.ume2010.es/eu/component/virtuemart/outlet.html