OGIA ETA TXOKOLATEA

Ondo gosaldu ostean

hamaiketakoa kalean,

bi ordu pasa aurretik

bazkalordua etxean

tripak zarataka hasi

eta askaritxo bat parkean.

Iluntze aldean berriz

ondo afaldu mahai aurrean

eta oheratzerakoan

esne bero-beroa

tripetatik barrena!!

Aldikada mordotan

 mokau bat egiteko prest gaudela.. 

...eta leku batera edo bestera

 jana eroateko lekurik aproposena;

oihalezko merienda poltsa bat dela!!

http://www.ume2010.es/eu/component/virtuemart/poltsak.html

 

ESKOLA PUBLIKOA DENON ESKOLA ETA KALITATEZKOA

Maite andereñok

ezin gaitu eroan ilaran eskutik;

beso bat apurtuta dauka

eta beste eskuan
 Mikeltxo darama zintzilik...

Laguntza behar duen
 ikasle goxoena
 da bera,

Mikel,
 gure gelako mutilik onena.

Alboko gelan
 andereño Edurne ez da azaldu;

eta gure Maite dabil zoro-zoro,

begiak biribilkatuta,

hona eta hara,

galapadaka.

Argia bapatean itzali da; 

Xabi bedela 

ziztu bizian etorri zaigu;

mobila belarrian
 eta eskailera besopean

pAtAplAn!!

 Bi dira orain igeltsuagaz
 nire eskolan.

 Lau ikasle barri daude
 izkina batean.

Euskaraz tuterik
ez dute ulertzen bez,

begiak zabalik... 
lelotute...

Iñaki laguntzailea
 ez da etorri gaur hemendik...

Nire gelan 23 gara iadanik

festa askotan izan naiz
 udara honetan

eta gaurko egunean

 nire eskola barnean

erromeri bat dagoela badirudi:

Dana ipurdizgora

handik eta hemendik!! 

KIlKERRA MODURA KRI-KRI.. KRISIA

Badirudi dena dohainik dela hemendik;

ogidendakoak donetesa gratis,

tabernetan pintxotxo bat dastatzeko

 edo kakahueteak jateko.

Leku gehienetan bi erosi

 eta hirugarrena opari.

Ez dakit garbi-garbi

 baina denak kri-kri dabiltza

 kilkerra modura kantari...

Krisisa dela edo, 
karameluak banatzen dagoz
 bat baino gehio.

Eta nik behintzat,
 kakahuetez eta pintxoz
 ez dut betetzen
 nire tripa potolo!!

Baina... bide batez jakin be

 amantal baten prezioan

 hiru dituzuela ere!!

http://www.ume2010.es/eu/component/virtuemart/outlet.html

BARRIRO ESKOLARA!!

Uda amaitu omen da,

txaparruak gorde

eta barriro hemen gaude.

Labadora dabil bueltaka

amatxo modura hona eta hara;

triki-traka.

Bi egunetan egin behar omen da

hau, hori, hura...

 hangua eta hemengua...

Liburuak prestatu,

deportiba barriak aukeratu

eta "ostitala iritsi da" kantatu.

.

Lagunak ikusi ditut plazan

baita danak muxukatu,

andereño be kaletik agurtu

 eta laisterikusikogara!

 oihukatu.

Irrikan nago kurtso barria hasteko,

mordo bat ikasiz  gustora pasatzeko

baita amantal barria estrenatzeko!!

GORA MARIJAIA

Iruñako erraldoiak bezain

IKARAGARRIA,

Donostiako piraten modura

zapia burura,

eta Gasteizko Zeledon antzera

besoak AIREAN GORAAAA!!!

Badator gure Marijaia

eta ipini du oraingoan...

UMEREN AMANTALA JANTZIA!!

Gora Marijaia,
gure Marijaia,

 Bilbora etorri da

Aste Nagusian!

TITIAK GORA TITIAK BEHERA

"Ezdakitzerpasatzendenazkenaldihonetan...."

...baina titiakditut beti begibistan.

Aldizkari eta egunkaritan,

hondartzan eta mendian

itsaso eta erreketan,

baita festa ugaritan;

DANAK TITI BISTAN!!

Fruitu otzaran baten modukoak;

batzuk sagartxoak,

edo madari eta okaranak,

eta besteak meloi eta kokoa modukoak.

Txiki zein handiak,

zuri, baltz ala arrosak,

zimurrak batzuk eta lirainak besteak,

tente-tenteak, baita eroriagoak,

amamarenak modukoak...

Baina denak gozo-gozoak

txikiei esnea emoteko prestuak!!

Besarkada baten almohadatxoak;

gauza polita dira andren titiak,

begirada askoen erakargarriak.

Nireak txikiak dira oraindiño...

baina handitzen  direnean,

madari, meloi zein sagar,

harro egongo naz

nire titietaz!!!

http://www.who.int/mediacentre/events/meetings/2013/world_breastfeeding_week/es/index.html#.Uflj_68zsQM.facebook

NOR DA NORENA???

Urteak gora eta urteak behera,

Izaro  bermeotarrena dela,

eta hau teilaz gogoratzen zaie

mundakakoei  baita elantxobetarrei....

Urteak gora eta urteak behera,

Euskal Herria espainiar eta frantsesena dela...

eta hau be gogoratu nahi digute

euskaldun guztioei.

Nire laguntxo bat be,

aita eta amak borrokatzen dabe,

Xabi inorena ez dela!!!

gogoratzea hobe!!!!